Здружението за образование ЕдуСкилс со особено задоволство информира дека е потпишан Меморандум за соработка со Центарот за образование на возрасни, со што се отвораат нови можности за заедничко делување во областа на образованието, доживотното учење и развојот на практични вештини кај возрасната популација.

Оваа соработка претставува значаен чекор кон унапредување на можностите за едукација, личен и професионален развој, како и поголема подготвеност на возрасните за активно учество на пазарот на труд. Преку заеднички активности, обуки и иницијативи, ЕдуСкилс ќе продолжи да придонесува кон создавање пристапни и квалитетни образовни можности за сите граѓани.

Особена благодарност упатуваме до директорот на Центарот за образование на возрасни, г. Sadudin Sadiki, за искажаната доверба, поддршката и отвореноста за соработка во насока на јакнење на системот за образование на возрасни во Република Северна Македонија.

За ЕдуСкилс, вложувањето во образованието на возрасните претставува инвестиција во поиновативно, поинклузивно и подобро подготвено општество. Веруваме дека доживотното учење е клучен предуслов за личен раст, социјална вклученост и подобри можности за секој поединец.

Продолжуваме посветено да работиме на развој на вештини за живот, работа и активно граѓанско учество.

ЕдуСкилс – образование, вештини и можности за сите генерации.

#Соработка #ОбразованиеНаВозрасни #ДоживотноУчење #ВештиниЗаЖивот #EduSkills